Жаңалықтар

Әрбір кездесу студенттердің тарихқа шағын экскурсиядан және Қарағанды медицина институтының бірінші ректоры Петр Моисеевич Поспеловтың тұлғасымен, оның еліміздің жоғары оқу орнының, медициналық білім беру мен денсаулық сақтаудың қалыптасуы мен дамуына қосқан баға жетпес үлесімен танысудан басталды. Оның есімі енді Қарағанды медицина университетіне берілді.

Академиялық және әлеуметтік жұмыс жөніндегі проректор, денсаулық сақтау саласының ардагерлері, декандар, құрылымдық бөлімшелердің басшылары, ЖОО белсенділері бірінші курс студенттерін университеттің мүмкіндіктерімен және ресурстарымен, ЖОО-дағы негізгі процестерді регламенттейтін нормативтік құжаттармен таныстырды, ұйымдастыру мәселелерін талқылады. Қажет болған жағдайда көмек сұраудың тәртібі  және басқалары туралы айтып берді. Академиялық адалдық қағидаттарын және оларды сақтау қажеттілігін түсіндіруге ерекше назар аударылды.