Жаңалықтар

ҚР Денсаулық сақтау министрлігінің Санитариялық-эпидемиологиялық бақылау комитетінің төрайымы және ҚР Бас мемлекеттік санитарлық дәрігері Сархат Сағынтайқызы Бейсенова Қарағанды облысына жұмыс сапары аясында Қарағанды медицина университетіне барды.


Сапар барысында ол университет басшылығы Басқарма төрайымы-ректор Бақыт Нұрғалиқызы Кошеровамен, Қоғамдық денсаулық мектебінің деканы Жания Абаевна Даулеткалиевамен, сондай-ақ құрметті профессор В.Н. Приз және қоғамдық денсаулық мектебінің профессорлық-оқытушылық құрамы Ф.М. Шайзадина және А.И. Галаевамен кездесті. Сондай-ақ кездесуге ҚР Парламенті Мәжілісінің депутаты А.К. Қалықов, көліктегі санитарлық-эпидемиологиялық бақылау департаментінің басшысы Ж.А. Уразалина, Астана қаласының санитарлық-эпидемиологиялық бақылау департаментінің басшысы А.К. Шағалтаева және Алматы облысының санитариялық-эпидемиологиялық бақылау департаментінің басшысы М.А. Исмаилов қатысты.



Қоғамдық денсаулық мектебінің деканы Ж.А. Даулетқалиева «Халықтың санитариялық-эпидемиологиялық әл-ауқаты саласындағы мамандарды даярлауды жүзеге асыру» тақырыбында баяндама жасады.
Қатысушылар «Медициналық-профилактикалық іс» білім беру бағдарламасын жетілдіруге, оның маңыздылығына және даму перспективаларына қатысты өзекті мәселелерді талқылады.
Кездесуде санитариялық-эпидемиологиялық бақылау саласындағы денсаулық сақтау жүйесі үшін кадрларды даярлаудың басым бағыттары анықталды.
Сапар барысында санитариялық-эпидемиологиялық бақылау Комитеті мен Қарағанды медицина университеті арасында ынтымақтастық туралы меморандумға қол қойылды. Меморандумның тақырыбы «Медициналық-профилактикалық іс» мамандығы бойынша білікті мамандарды даярлау саласындағы өзара тиімді ынтымақтастық, соның ішінде студенттер үшін өндірістік тәжірибені ұйымдастыру, бірлескен ғылыми-зерттеу жұмыстары және жастар үшін кәсіби бағдар беру болып табылады.