Жаңалықтар
«Қарағанды медицина университеті» КеАҚ Басқарма Төрағасы-Ректоры және академиялық жұмыс пен әлеуметтік жұмыс жөніндегі проректоры 2026 жылғы 13-14 шілде аралығында Қазақстан Республикасының Денсаулық сақтау бірінші вице-министрі Т.С. Сұлтанғазиев бастаған Қазақстан Республикасының Татарстан Республикасына ресми делегациясының жұмысына қатысты.
Сапар бағдарламасы аясында Қазан мемлекеттік медицина университетінің ректоры Айрат Фарраховпен жұмыс кездесуі өткізілді. Тараптар медициналық білім және ғылым саласындағы ынтымақтастықты дамыту, бірлескен білім беру бағдарламаларын іске асыру, студенттер мен оқытушылардың академиялық ұтқырлығы, сондай-ақ бірлескен ғылыми зерттеулер жүргізу перспективаларын талқылады.
Сапар барысында делегация Татарстан Республикасының қазіргі заманғы білім беру және клиникалық алаңдарымен танысып, Қазан мемлекеттік медициналық университетінің Кадавер орталығын, «AMTEK» білім беру орталығын, Республикалық клиникалық аурухананы, Республикалық балалар клиникалық ауруханасын, № 7 Мемлекеттік клиникалық аурухананы, «EU IDOS» бағдарламасы аясында медициналық симуляциялық технологияларды әзірлеуге маманданған алаңмен танысты.
Жұмыс сапарының екінші күні Татарстан Республикасы Мемлекеттік Кеңесі Төрағасының міндетін атқарушы және Денсаулық сақтау министрімен кездесулер өтті. Кездесу барысында халықаралық ынтымақтастықты дамыту, медициналық білім беруге инновациялық технологияларды енгізу және медицина кадрларын даярлау саласындағы үздік тәжірибелермен алмасу мәселелері қаралды.
Қарағанды медициналық университеті басшылығының осы жұмыс сапарына қатысуы университеттің халықаралық ынтымақтастығын нығайтудағы, жетекші білім беру және медициналық ұйымдармен әріптестік байланыстарды кеңейтудегі, сондай-ақ медициналық білім беру, ғылым және денсаулық сақтау саласындағы бірлескен жобаларды дамытудағы маңызды қадам болды.
